ஒரு ஆணின் ஆசை

 

அழ வேண்டும்;

நான் அழ வேண்டும்;

காட்டுக்குள்ளாவது போய் கதறி அழ வேண்டும்;

நானோ, வானோ என மக்கள் எண்ண வேண்டும்;

யார் அழுகிறார் எனும் கேள்வி கூடாது;

ஒரு ஆண் அழுகிறான் என்று ஆச்சர்யம் கூடாது;

ஒப்பாரி வைப்பது போல் - ஓ-வென அழ வேண்டும்;

ஊரே அலுவல் பார்க்க ஒய்யாரமாய் அழ வேண்டும்;

கிடைத்தது, கிடைக்காதது, முடிந்தது, முடியாதது - என

எல்லாம் நினைத்து அழ வேண்டும்;

ஏமாற்றம், அசிங்கம், துரோகம், பொய்,

அவமானம், தோல்வி, வலி, வேதனை, விரக்தி, இயலாமை

எதையும் மறவாமல் அழ வேண்டும்;

குழந்தை போல் அழ வேண்டும்;

குமுறிக் குமுறி அழ வேண்டும்;

குடம் குடமாய் அழ வேண்டும்;

கோபம் தீரும் வரை அழ வேண்டும்;

தேம்பி தேம்பி அழ வேண்டும்;

தேடித் தேடி அழ வேண்டும்;

தெளிந்து தெளிந்து அழ வேண்டும்;

இனி அழ ஒரு துளி கண்ணீரும் இல்லா வண்ணம் அழுதே தீர்க்க வேண்டும்;

நான் அழ இனியொரு நாள் கிடைக்குமா?

இனிதொரு நாள் கிடைக்குமா?